ჩემპიონთა ლიგის ნახევარფინალში ერთმანეთს პსჟ და ბაიერნი დაუპირისპირდებიან. მატჩის წინ პრესკონფერენცია პარიზელთა თავკაცმა ლუის ენრიკემ გამართა.
ბაიერნთან ტაქტიკაზე
"ვფიქრობ, ასეთი ძლიერი გუნდების წინააღმდეგ თავის დაცვა ყველაზე მნიშვნელოვანია. როცა თავს კარგად იცავ, ეს შემტევებისთვისაც კარგია და ამას საუკეთესოდ გამოიყენებენ - ხვალ გადამწყვეტი სწორედ ეს ფაქტორი იქნება."
3 ნახევარფინალი ბოლო 3 წელიწადში
"დიდი ფუფუნებაა და უბრალოდ ვტკბებით. ვფიქრობ, ეს ყველაფერი დავიმსახურეთ და კიდევ უფრო დიდი მიზნებისკენ მივდივართ. ამბიციურები ვართ და ვთვლით, რომ ყველაფრის გაკეთება შეგვიძლია."
ბაიერნთან შედარებაზე
"შედეგების მიხედვით, შეიძლება ბაიერნი ჩვენზე წინ იყოს, რადგან მხოლოდ ორი მატჩი წააგეს, თუმცა ის თამაში, რასაც ჩვენ ვაჩვენებთ, მაძლევს საფუძველს ვთქვა, რომ პსჟ-ზე კარგი გუნდი არ არსებობს."
დანაკლისზე
"ბაიერნთან მატჩისთვის ყველა ფეხბურთელი მზადაა და ხვალ ვნახავთ, ვინ იდგება ნახევარდაცვის ხაზში. ბედნეირი ვარ, რომ გუნდში უმაღლესი დონის მოთამაშეები მყავს. ვინც არ უნდა ითამაშოს, თავს ყველა საუკეთესოდ წარმოაჩენს."
ტიტულის შანსებზე
"ზედიზედ მეორე ჩემპიონთა ლიგის მოგება? - სიტუაცია განსხვავებულია, რადგან პირველ ჯერზე ეს შვება იყო, ახლა კი მოტივაცია სულ სხვაგვარია"
