ხოსეპ გვარდიოლა (მანჩესტერ სიტი) - საბავშვო აკადემიაში გატარებული წლების ჩათვლით, გვარდიოლა "ბლაუგრანაში" 1984-2021 წლებში თამაშობდა. ესპანელმა ჩამშლელმა "ლურჯ-ბროწეულისფრებში" ჩაატარა 382 მატჩი, გაიტანა 11 ბურთი და მოიგო უამრავი ტიტული, მათ შორის, კლუბის ისტორიაში პირველი ჩემპიონთა ლიგის თასი.
ლუის ენრიკე (პარის სენ-ჟერმენი) - მადრიდის რეალიდან გადმოსული შემტევი ნახევარმცველი, რომელიც შინაური სწორედ კამპ ნოუზე გახდა. ენრიკე ბარსაში 1996-2004 წლებში თამაშობდა, მის ანგარიშზეა 300 მატჩი და 109 ბურთი. ცნობისთვის, ესპანელმა გამთამაშებელმა საფეხბურთო კარიერა სწორედ კატალონიაში დაასრულა.
ხავი ერნანდესი (ბარსელონა) - ფეხბურთის ისტორიაში ერთ-ერთი საუკეთესო ცენტრალური ნახევარმცველი, რომელიც ეპოქალური "ბლაუგრანას" ნამდვილი ფუნდამენტი იყო. 1991-2015 წლები "ლურჯ-ბროწეულისფერი" მაისურით, ჯერ აკადემიაში, შემდეგ კი მთავარ გუნდში. 767 მატჩი, 85 ბურთი და უამრავი ტიტული.
მიკელ არტეტა (ლონდონის არსენალი) - არტეტას კამპ ნოუზე მთავარ გუნდში არასდროს უთამაშია, თუმცა 1997-2002 წლებში მისი სახელი ამ კლუბს მაინც უკავშირდებოდა. ესპანელმა შუახაზელმა წლები გაატარა ბარსას აკადემიასა და სარეზერვო გუნდში, მაგრამ შემდეგ დაიწყო მისი მოგზაურობა სხვადასხვა მიმართულებით.
