კოპა დელ რეის ნახევარფინალის პირველ მატჩში ბარსელონა გასვლაზე მადრიდის ატლეტიკოსთან ანგარიშით 0:4 განადგურდა. აღსანიშნავია ის ფაქტი, რომ 4-ვე ბურთი კატალონიელებმა შეხვედრის პირველ ნახევარში გაუშვეს. ყველაფერი დაიწყო ერიკ გარსიას ავტოგოლით, შემდეგ კი "ბლაუგრანას" კარი აიღეს ანტუან გრიზმანმა, ხულიან ალვარესმა და ადემოლა ლუკმენმა.
საკუთარ კარში გატანილი გოლის გარდა, ესპანელმა ცენტრალურმა მცველმა მატჩის მიწურულს წითელი ბარათიც მიიღო. კამპ ნოუს ბინადრებისა და "როხიბლანკოსის" საპასუხო შეხვედრა გაიმართება 3 მარტს, მათ შორის მოგებული კი ფინალში ბილბაოსა და სოსიედადს შორის ერთ-ერთს დაუპირისპირდება.
ატლეტიკო 4:0 ბარსელონა
გოლები: 1:0 ერიკ გარსია (ავტოგოლი) 6', 2:0 ანტუან გრიზმანი 14', 3:0 ადემოლა ლუკმენი 33', 4:0 ხულიან ალვარესი 45+2.
