ესპანეთის ლა ლიგის 31-ე ტურში, კატალონიის ბარსელონამ ესპანიოლს უმასპინძლა და მეტოქე 4-1 დაამარცხა.
შეხვედრის ანგარიში ფერან ტორესმა მე-9 წუთზე გახსნა, ხოლო 25-ე წუთზე დუბლი გაიფორმა და სხვაობა ორამდე გაზარდა. მეორე ტაიმის დასაწყისში, 56-ე წუთზე ლოზანომ ერთი ბურთი გაქვითა. 87-ე წუთზე, ესპანიოლის კარი იამალმა აიღო, ხოლო ზუსტად ორ წუთში თავი რაშფორდმა გამოიჩინა და საბოლოო ანგარიში, 4-1 დააფიქსირა.
ბარსელონა 4-1 ესპანიოლი
გოლები: 1-0, 2-0 ტორესი (9', 25'), 2-1 ლოზანო (56'), 3-1 იამალი (87'), 4-1 რაშფორდი (89')
ლა ლიგის დასრულებამდე 7 ტურით ადრე, ბარსელონა სატურნირო ცხრილს 79 ქულით ლიდერობს და მეორე ადგილზე მყოფ რეალს 9 ქულით უსწრებს. მომდევნო ტურში ჰანსი ფლიკის გუნდი კამპ ნოუზე სელტას უმასპინძლებს.
