მადრიდის რეალის ლეგენდარულმა ნახევარმცველმა, ტონი კროოსმა ფეხბურთის ისტორიაში ყველა დროის საუკეთესო თერთმეტეული შეადგინა. გერმანელმა ექს-ფლეიმეიქერმა კარში ჩააყენა მანუ ნოიერი, მასზე წინ პაოლო მალდინი, ფილიპ ლამი, სერხიო რამოსი და მარსელო ვიეირა.
ნახევარდაცვა - ზინედინ ზიდანი, ლუკა მოდრიჩი და ლიონელ მესი. თავდასხმა - რონალდო ნაზარიო, რონალდინიო გაუჩო და კრიშტიანუ რონალდუ. მოგვიანებით, "სამეფო კლუბის" ექს-ფლეიმეიქერმა თხოვა ფანებს შეეფასებინათ მისი 11-ეული, რასაც უმრავლესობის დადებითი რეაქცია მოჰყვა.
