ჩემპიონთა ლიგის მე-5 ტურის ერთ-ერთი გამორჩეული მატჩი სტემფორდ ბრიჯზე გაიმართა, სადაც ჩელსიმ ბარსელონა უშანსოდ, 3-0 დაამარცხა და დამსახურებული გამარჯვება მოიპოვა.
კატალონიელებმა ამ მატჩში მნიშვნელოვანი ქულების გარდა, ტრავმის გამო შეუცვლელი ფეხბურთელიც დაკარგეს.
ბარსელონას ბანაკიდან ახალი ინფორმაცია ვრცელდება, რომლის მიხედვითაც ვიგებთ, რომ ფერმინ ლოპესმა ჩელსისთან შეხვედრაში ფეხის უკანა კუნთი დაიზიანა, რის გამოც მინიმუმ 2 კვირას გამოტოვებს.
ბარსელონას შემდეგი მატჩი ლა ლიგის ეგიდით ელოდება— ჰანსი ფლიკის გუნდი ალავესს 29 ნოემბერს, თბილისის დროით 19:15 საათზე დაუპირისპირდება.
