Mundo Deportivo-მ პარის სენ-ჟერმენის გარემარბს, ხვიჩა კვარაცხელიას სტატია მიუძღვნა. გამოცემამ გაიხსენა გასული ზაფხული, როდესაც ქართველი ვინგერი ბარსელონას სატრანსფერო სიაში იყო. ის იყო მე-3 არჩევანი, ნიკო უილიამსისა და ლუის დიასის შემდეგ.
" ბარსელონა გასულ ზაფხულს აპირებდა რაფინიას გაყიდვას და მის ნაცვლად სხვა გარემარბის მოყვანას. ერთ-ერთი ვარიანტი იყო კვარაცხელიაც, მაგრამ მასზე წინ კატალონიელთა სატრანსფერო სიაში იყო 2 ვინგერი: უილიამსი და დიასი. აღსანიშნავია ისიც, რომ ნაპოლი ხვიჩას გაყიდვის წინააღმდეგი იყო.
საბოლოოდ ყველაფერი დასრულდა იმით, რომ ბელოლი დარჩა "ბლაუგრანაში", ქართველი გარემარბი კი "პარტენოპეიში". ზაფხულის სატრანსფერო ფანჯრის დასრულებამდე, ფლიკის გუნდმა ერთი დიდი გარიგება მაინც გაჩარხა და ოლმო დაიბრუნა. რაც შეეხება "აძურის" ყოფილ ლიდერს, მან პარის სენ-ჟერმენს მიაშურა."
შეგახსენებთ, რომ პსჟ-ში გადასვლის შემდეგ, საქართველოს ნაკრების შვიდიანი ლიგა 1-ის ჩემპიონი უკვე გახდა. წინ მას ელის ჩემპიონთა ლიგის 1/2 ფინალი ლონდონის არსენალთან და საფრანგეთის თასის ფინალი რეიმსთან.
