როგორც მოგეხსენებათ, მარკ-ანდრე ტერ შტეგენმა ბარსელონა დატოვა იჯარით და ჟირონას შეუერთდა. ვეტერანი მეკარე იყო უკანასკნელი ფეხბურთელი 2014/15 წლების სეზონის ტრებლის მომგები გუნდიდან. იმის შემდეგ, კატალონია დატოვა ყველამ, გერმანელი გოლკიპერის გარდა.
"ბლანკივერმელსის" ახალწვეული მეკარე ჯერ კიდევ არის "ბლაუგრანას" საკუთრებაში, თანაც გუნდები მოლაპარაკებულები არიან მშრალ იჯარაზე, რაც ნიშნავს იმას, რომ ვეტერანი გოლკიპერი მომავალში შესაძლოა კვლავ ვიხილოთ კლუბში, რომელთანაც ერთ დროს ყველა ტიტული მოიგო.
33 წლის მეკარესთან ერთად, გავიხსენოთ კამპ ნოუს ბინადრების იმდროინდელი შემადგენლობა, რომლის შეჩერებაც 2014/2015 წლების სეზონში ვერავინ შეძლო. აქვე დავამატებთ იმასაც, რომ ბარსას ყოფილმა პირველმა ნომერმა ტრებლი ესპანეთში გატარებულ პირველივე წელს მოიგო.
| ფეხბურთელი | ამჟამინდელი გუნდი |
| მარკ-ანდრე ტერ შტეგენი | ჟირონა (იჯარით ბარსელონადან) |
| მარტინ მონტოია | უგუნდოდ |
| ჟერარდ პიკე | კარიერა დაასრულა |
| ივან რაკიტიჩი | კარიერა დაასრულა |
| სერხიო ბუსკეტსი | კარიერა დაასრულა |
| ჩავი ერნანდესი | კარიერა დაასრულა |
| პედრო როდრიგესი | ლაციო |
| ანდრეს ინიესტა | კარიერა დაასრულა |
| ლუის სუარესი | ინტერ მაიამი |
| ლიონელ მესი | ინტერ მაიამი |
| ნეიმარ ჟუნიორი | სანტოსი |
| რაფინია ალკანტარა | კარიერა დაასრულა |
| კლაუდიო ბრავო | კარიერა დაასრულა |
| ხავიერ მასკერანო | კარიერა დაასრულა |
| მარკ ბარტრა | ბეტისი |
| დუგლას დოს სანტოსი | კარიერა დაასრულა |
| ჟორდი ალბა | კარიერა დაასრულა |
| სერხი რობერტო | კომო |
| ადრიანო კორეია | კარიერა დაასრულა |
| დანი ალვეში | კარიერა დაასრულა |
| ტომას ვერმალენი | კარიერა დაასრულა |
| ჟერემი მატიე | კარიერა დაასრულა |
| ჟორდი მასიპი | კარიერა დაასრულა |
იმ ფორმაციის კატალონიური გუნდის მთავარი მწვრთნელი იყო ლუის ენრიკე, ვინც ამჟამად პარის სენ-ჟერმენში მუშაობს. შეგახსენებთ, რომ "ბლაუგრანას" მსგავსად, ესპანელმა სპეციალისტმა ტრებლი პსჟ-სთან ერთადაც მოიგო. პეპ გუარდიოლას შემდეგ, ის არის მე-2 დამრიგებელი ფეხბურთის ისტორიაში აღნიშნული მიღწევით 2 კლუბთან ერთად.
