ლეგენდარულმა არგენტინელმა ფეხბურთელმა ლიონელ მესიმ Diaro AS-თან ინტერვიუში საინტერესო თემებზე ისაუბრა.
"ბარსელონას გულშემატკივრების სიყვარული საოცარ გრძნობას მანიჭებს. ყველაფერი, რაც ბარსელონადან, ხალხისგან და იმ წლებიდან მოდის, რომელიც ჩვენ ერთად განვიცადეთ, ყოველთვის ნოსტალგიასა და დიდ აღფრთოვანებას იწვევს.ძალიან მენატრება ბარსაში გატარებული ყველა ის მომენტი. შესაძლოა, ახლა უფრო მეტად მსიამოვნებს იმ მომენტების გახსენება, ვიდრე მაშინ, როცა ეს ყველაფერი ხდებოდა.
ვადევნებ თუ არა ბარსელონას მატჩებს თვალყურს? დიახ, დიახ, ცხადია. მე, ბუსკეტსი, სუარესი, ალბა, ყველანი ვსაუბრობთ ხოლმე კლუბზე, მის შედეგებსა და თითოეულ თამაშზე. ჩვენ ვაგრძელებთ ჩვენი საყვარელი გუნდის გულშემატკივრობას.
ძალიან მინდა უკან დაბრუნება, რადგან ბარსელონა ძალიან გვენატრება. ბავშვებთან და ჩემს მეუღლესთან ერთად გამუდმებით ვსაუბრობთ ბარსელონაზე და ისევ იქ ცხოვრების იდეაზე. ძალიან მინდა სტადიონის ბოლომდე რეკონსტრუქციის შემდეგ უკან დავბრუნდე, რადგან პარიზში წასვლის შემდეგ "კამპ ნოუზე" აღარ დავბრუნებულვარ. დარწმუნებული ვარ, ეს განსაკუთრებული იქნება.
მსოფლიო ჩემპიონატს მოუთმენლად ველი, თუმცა, არ მინდა გუნდისთვის ტვირთი ვიყო, მინდა ფიზიკურად კარგად ვიგრძნო თავი და სათამაშოდ ბოლომდე მზად ვიყო. ტურნირის დაწყებამდე მინდა დარწმუნებული ვიყო, რომ შემიძლია არგენტინის დახმარება.ეს განსაკუთრებული მსოფლიო ჩემპიონატი იქნება, რადგან იქ ჩემპიონის რანგში ჩავდივართ, სწორედ ამიტომ მინდა, რომ ბოლომდე მზად ვიყო."
