ლა ლიგის განვლილ ტურში, მადრიდის რეალის შემტევმა ნახევარმცველმა, ჯუდ ბელინგემმა ვალენსიასთან შეხვედრაში წითელი ბარათი მიიღო. მან უკმაყოფილება გამოხარა იმის გამო, რომ მატჩის მთავარმა მსაჯმა, ხესუს ხილ მანსანომ თამაში შეწყვიტა "ბლანკოსის" აუტის ჩაწოდებამდე ზუსტად ერთი წამით ადრე.
შეხვედრის შემდგომ პროტოკოლში გაძევების მიზეზად არბიტრისთვის უხეშად მიმართვა სახელდება. ამ ყველაფრის შემდეგ, ინგლისელ შემტევ ნახევარმცველს გამოუტანეს განაჩენი - ორმატჩიანი ბანი და ფულადი ჯარიმა 600 000 ევროს სახით. ამის გარდა, ფულადი ჯარიმა დაეკისრა "სამეფო კლუბსაც" (700 000 ევრო).
კარლო ანჩელოტის გუნდის შემტევი ნახევარმცველი სელტასა და ოსასუნასთან შეხვედრას გამოტოვებს. მართალია, კლუბი მიღებული განაჩენის კომიტეტში გასაჩივრებას გეგმავს, მაგრამ დიდი ალბათობით, არაფერი შეიცვლება. ბერნაბეუს ბინადრებს ორი მატჩის ჩატარება 20 წლის გამთამაშებლის გარეშე მოუწევთ.
