ყველა დაძაბულ მატჩს ელოდება, თუმცა სამეფო კლუბმა უშუალო კონკურენტი საკუთარ მოედანზე არ დაინდო და უშანსოდ, 4:0 გაანადგურა.
ანგარიში ვინისიუს ჯუნიორმა ულამაზესი დარტყმით გახსნა, პირველ ტაიმში თავისი გოლი ჯუდ ბელინგემმაც გაიტანა. 54-ე წუთზე ბელინგემმა დუბლი შეასრულა, შეხვედრას კი საბოლოო წერტილი როდრიგომ დაუსვა.
24 ტურის შემდეგ, რეალს 61 ქულა აქვს და სატურნირო ცხრილის ლიდერია. მეორეადგილოსან ჟირონას კი 5 ქულით უსწრებენ.
