ჩემპიონთა ლიგის 1/4 ფინალური ეტაპის განმეორებით მატჩში, მადრიდის რეალმა ლონდონის არსენალს უმასპინძლა და 1-2 დამარცხდა.
პირველი მატჩი სამეფო კლუბმა ლონდონში დიდი ანგარიშით, 3-0 წააგო და დღეს ურთულესი ამოცანა ჰქონდა შესასრულებელი — საბოლოოდ ქამბექი არ შედგა და მოქმედი ჩემპიონი 1/4 ფინალიდან გამოვარდა.
შეხვედრის პირველი ტაიმი უგოლოდ, 0-0 დასრულდა. ანგარიში კი 65-ე წუთზე ბუკაიო საკამ გამოიჩინა და სტუმრები დააწინაურა, რასაც ზუსტად 2 წუთში ვინისიუსის გამათანაბრებელი გოლი მოჰყვა. 93-ე წუთზე, სამეფო კლუბის კარი გაბრიელ მარტინელიმ აიღო და ორი მატჩის ჯამში არსენალმა რეალი 5-1 გაანადგურა.
რეალი 1-2 არსენალი
გოლები: 0-1 საკა (65'), 1-1 ვინისიუსი (67'), 1-2 მარტინელი (90+3')
1/2 ფინალში მიკელ არტეტას მეტოქე ხვიჩა კვარაცხელიას პსჟ იქნება, რომელმაც თავის მხრივ დრამატულ ორმატჩიან დუელში ასტონ ვილას 5-4 აჯობა. მეორე 1/2 ფინალურ წყვილში კი ერთმანეთს ბარსელონა და ინტერი დაუპირისპირდებიან.
