ლეგენდარულმა სტივენ ჯერარდმა ლივერპულის ამჟამინდელ მდგომარეობაზე ისაუბრა. შეგახსენებთ, რომ პრემიერ ლიგის მიმდინარე სეზონში მერსისაიდელებმა უკვე 6-ჯერ წააგეს. ამის მიუხედავად, ინგლისელი ყოფილი შუახაზელი თვლის, რომ მისი მშობლიური გუნდი კრიზისში არ არის.
"არ მომწონს სიტყვა კრიზისი და ლივერპულის მიმართებაში ამის თქმა ჯერ ადრეა. მათ განკარგულებაში დიდებული ფეხბურთელები რჩებიან. იმის თქმა, რომ მერსისაიდელები არიან კრიზისში, მათი მოთამაშეების მიმართ უპატივცემულობის გამოხატვაა. იგივეს თქმა "წითლების" თავკაცზეც შემიძლია.
არ შემიძლია იმის უყურადღებოდ დატოვება, რომ დიახ, ენფილდზე პრობლემებია, თუმცა არა კრიზისული. ისინი უშვებენ ბევრ გოლს და სლოტი თუ ვერ იპოვის გამოსავალს, წარუმატებელი სერია მომავალშიც წარმოიქმნება."
