ეროვნული ლიგის მესამე ტურის ცენტრალური შეხვედრა ქუთაისში შედგა, სადაც ერთმანეთს ადგილობრივი ტორპედო და იბერია დაუპირისპირდნენ.
შეხვედრა დაბალ ტემპში მიმდინარეობდა და პირველ ნახევარში გუნდებმა მომენტები მხოლოდ სტანდარტულებიდან შექმნეს.
ანალოჰიურად მიდიოდა მეორე ტაიმიც, სანამ იბერიას მიჯრით ორი ფეხბურთელი არ გაუძევეს - 86-ე და 90-ე წუთებზე წითელი ბარათი ზოურიმ და ძაგანიამ მიიღეს, რის შემდეგაც ტორპედო სრული სვლით შეტევაზე გადავიდა.
ამ შტურმმა შედეგი გამოიღო და ცოტნე ნადარაიამ ბოლო წამებზე გამარჯვების გოლი გაიტანა - 1:0. ეს ტორპედოსთვის სეზონის პირველი გამარჯვება იყო.
ეროვნულ ლიგაში კიდევ ორი შეხვედრა გაიმართა. დინამო თბილისისა და სპაერის მატჩი უგოლოდ დასრულდა, სპაერმა კი გაგრა 0:3 დაამარცხა.
