2026 წლის მსოფლიო ჩემპიონატის საკვალიფიკაციო ეტაპის ბოლო ტურში, შოტლანდიის ეროვნულმა ნაკრებმა გლაზგოში დანია მიიღო, მეტოქე დრამატულ მატჩში 4-2 დაამარცხა და 1998 წლის შემდეგ პირველად მოიპოვა მუნდიალის საგზური.
C ჯგუფში პირველი ადგილის მოსაპოვებლად შოტლანდიას ბოლო ტურში მხოლოდ გამარჯვება სჭირდებოდა, ხოლო დანიას ფრეც აწყობდა ხელს. მატჩი კი მასპინძლებისთვის კარგად დაიწყო — მე-3 წუთზე ულამაზესი დარტყმით სტუმართა კარი მაკდომინეიმ აიღო. მეორე ტაიმის დასაწყისში, 57-ე წუთზე ჰოიულნმა თერთმემეტრიანი დარტყმა ზუსტად შეასრულა და ანგარიში გაათანაბრა, რასაც 78-ე წუთზე შანკლენდის გოლი და შოტლანდიის კვლავ წინ გასვლა მოჰვყა. 81-ე წუთზე დანიის მცველმა, დორგუმ გამოიჩინა თავი და ანგარიში 2-2 გახდა. მატჩის დრამა კი მსაჯის მიერ კომპენსირებულ დროში განვითარდა — 93-ე წუთზე შორეული დარტყმით ტიერნიმ შოტლანდია წინ გაიყვანა, ხოლო 98-ე წუთზე მაკლინმა ცენტრიდან აიღო დანიის კარი და გუნდი ოფიციალურად გაიყვანა მუნდიალზე.
შოტლანდია 4-2 დანია
გოლები: 1-0 მაკტომინეი (3'), 1-1 ჰოილუნი (57'), 2-1 შანკლენდი (78'), 2-2 დორგუ (81'), 3-2 ტიერნი (90+3'), 4-2 მაკლინი (90+8')
დღვანდელი სათამაშო დღის ყველა მატჩის შედეგი
ავსტრია 1-1 ბოსნია და ჰერცეგოვინა
ბელარუსი 0-0 საბერძნეთი
ბელგია 7-0 ლიხტენშტეინი
ბულგარეთი 2-1 საქართველო
კოსოვო 1-1 შვეიცარია
რუმინეთი 7-1 სან მარინო
შოტლანდია 4-2 დანია
ესპანეთი 2-2 თურქეთი
შვედეთი 1-1 სლოვენია
უელსი 7-1 ჩრდილოეთ მაკედონია
