ინგლისის პრემიერ ლიგის 23-ე ტურში, ლივერპული ბორნმუთს ესტუმრა და უხვგოლიან მატჩში 3-2 დამარცხდა.
მატჩის პირველო გოლი მასპინძლებმა 26-ე წუთზე გაიტანეს — თავი ევანილსონმა გამოიჩინა, რასაც 7 წუთში ხიმენესის გოლი მოჰყვა და სხვაობა ორამდე გაიზარდა. ტაიმის ბოლო, 45-ე წუთზე ვან დაიკმა ერთი ბურთი გაქვითა და გუნდები შესვენებაზე გავიდნენ. მე-80 წუთზე, სობოსლაიმ გაათანაბრა, ხოლო მსაჯის მიერ კომპენსირებულ მე-5 წუთზე ადლიმ აიღო ლივერპულის კარი და ბორნმუთმა სამი ქულა ჩაიწერა აქტივში.
ბორნმუთი 3-2 ლივერპული
გოლები: 1-0 ევანილსონი (26'), 2-0 ხიმენესი (33'), 2-1 ვან დაიკი (45'), 2-2 სობოსლაი (80'), 3-2 ადლი (90+5')
აღნიშნული მატჩის შემდეგ, ლივერპულს 36 ქულა დარჩა და კვლავ მე-4 პოზიციაზე იმყოფება. მომდევნო ტურში არნე სლოტის გუნდი საკუთარ კედლებში ნიუკასლს მიიღებს.
