იტალიის სერია ა-ს მე-8 ტურში, სატურნირო ცხრილის ლიდერმა, მილანმა ბოლოადგილოსან პიზას უმასპინძლა და ქულები დაკარგა.
მატჩის ანგარიში მასპინძლებმა დებიუტშივე გახსნეს — მე-7 წუთზე თავი ლეაომ გამოიჩინა. მე-60 წუთზე კუადრადომ აღადგინა წონასწორობა, ხოლო 86-ე წუთზე ნზოლამ სტუმრები წინ გაიყვანა. 93-ე წუთზე, ატეკამემ მილანის მაისურით პირველი გოლი გაიტანა და საბოლოო ანგარიში, 2-2 დააფიქსირა.
მილანი 2-2 პიზა
გოლები: 1-0 ლეაო (7'), 1-1 კუადრადო (60'), 1-2 ნზოლა (86'), 2-2 ატეკამე (90+3')
8 მატჩის შემდეგ, მილანს 17 ქულა აქვს და პირველ ადგილზე იმყოფება, ხოლო პიზა 4 ქულით მე-18 პოზიციაზეა. მასიმილიანო ალეგრის გუნდი მომდევნო ტურში ატალანტას ესტუმრება.
