ვირტუსი ევროლიგის საუკეთესო 8 გუნდშია, შესაბამისად, ფლეი-ოფში ითამაშებს და ევროპის ყველაზე დიდი გუნდის წოდებისთვის იბრძოლებს.
დაბრუნება
წელის ტკივილის და ერთთვიანი პაუზის შემდეგ, ვირტუსის ლიდერი თორნიკე შენგელია გუნდს დაუბრუნდა. შენგელიას არყოფნაში, ვირტუსმა რამდენიმე თამაში ჩააგდო, მონაკოსთან გასულ ტურში განცდილი მარცხის ანაზღაურებას კი ისინი დღეს შეეცდებიან.
"რამდენიმე მატჩი ვერ მოვიგეთ, მაგრამ გუნდის თამაშში პრობლემებს ვერ ვხედავ, რადგან ყველა შეხვედრაში ქულა-ქულაში ვთამაშობდით და ვერცერთმა მეტოქემ ვერ დაგვჯაბნა.
საკმაოდ ძლიერ მეტოქეებს შევხვდით, ახლა კი ფლეი-ოფისთვის მზად ვართ. გუნდში ხასიათი იგრძნობა და მიხარია, რომ ერთიანები ვართ. ერთად ვაგებთ და ერთად ვიგებთ. მთელი სეზონის განმავლობაში საუკეთესო 3-4 გუნდში ვიყავით და ახლა უნდა ვეცადოთ, ფლეი-ოფში საკუთარი მოედნის უპირატესობა გვქონდეს", - განაცხადა შენგელიამ.
სუპერბელი
შენგელიამ ბოლონიაში ევროთასი და ორი სუპერთასი მოიგო. მისი ბალანსი დადებითია, მაგრამ ოცნების ტიტული ჯერ კიდევ არ მოუგია.
"ბოლონიაში გადმოსვლას არ ვნანობ. კმაყოფილი ვარ იმით, რასაც მივაღწიე, თავს კარგად ვგრძნობ და კიდევ ერთი წელი მაქვს კონტრაქტის ვადა. ბუნებით არ მიყვარს უკან ყურება, მინდა წინ ვიხედო, გასაკეთებელი ჯერ კიდევ ბევრია.
ბელინელი საშიში ბიჭია. მისი ნებისმიერ მეტოქეს უნდა ეშინოდეს. ის არის კალათბურთელი, რომელიც გუნდში აუცილებლად უნდა გყავდეს. რამდენ ქვეყანაში მითამაშია, მათ შორის NBA-შიც და რამდენი კარგი მსროლელი მინახავს, მაგრამ მისნაირი მოთამაშე - არავინ. ჩემთვის ბელი ადამიანი არ არის, ის ფენომენია", - ამბობს შენგელია.
2025 წლის ევროპის ჩემპიონატის შესარჩევ მატჩში, შენგელიამ საქართველოსთან ერთად ორი თამაში ჩაატარა, დანიასთან 27 ქულა დააგროვა, სერბეთთან კი - 19 ქულა.
RCS MEDIAGROUP
Andrea Tosi
