საქართველოს რაგბის კავშირის გამგეობის მოწვევით, დღეს სრკ-ს მორიგი საერთო კრება გაიმართა.
რაგბის კავშირის პრეზიდენტმა დავით კაჭარავამ და გამგეობის თავმჯდომარე კაკი დავითულიანმა, ასევე დეპარტამენტის დირექტორებმა, სრკ-ს ნამდვილ წევრებს (დელეგატებს) და დამსწრე საზოგადოებას 2025 წლის ანგარიში ჩააბარეს და სამომავლო გეგმები გააცნეს.
ნამდვილმა წევრებმა კენჭი უყარეს და ერთხმად დაამტკიცეს სრკ-ს 2026 წლის ბიუჯეტი, ასევე წესდებაში განხორციელებული ცვლილებები და დამატებები. განხილული იქნა კავშირის სტრატეგიული განვითარების ძირითადი მიმართულებები.
ქარტზული რაგბის 2026 წლის სამომავლო გეგმების შესახებ, LaGazzetta.ge-სთან საქართველოს რაგბის კავშირის პრეზიდენტმა, ავით კაჭარავამ ისაუბრა:
"დღეს შევაჯამეთ 2025 წელი და განვიხილეთ სამომავლო გეგმები. კონკრეტული მიმართულების დირექტორებმა წარმოადგინეს გასული წლის ანგარიში და მომავალი წლის გეგმებზე ვიმსჯელეთ. ჩვენ ანგარიშვალდებულები ვართ რაგბის სამყაროსთან, საზოგადოებასთან, ამიტომ ვფიქრობ, ამომწურავი იყო დღევანდელი ანგარიში, რადგან დასმულ კითხვებს შესაბამისი პასუხი გაეცა.
მოგეხსენებათ, მომავალ წელს საქართველო 20 წლამდე მორაგბეთა შორის მსოფლიოს თასს მასპინძლობს, რაც რა თქმა უნდა ძალიან მნიშვნელოვანია, მიმდინარეობს მზადება, როგორც სპორტული ასევე ადმინისტრაციული მიმართულებით, მოგეხსენებათ რომ მსოფლიო თასის მასპინძლობას სხვადასხვა ასპექტი აქვს, რომელსაც დიდი ყურადღება ჭირდება და ჩვენ გვინდა ეს ტურნირი იყოს გამორჩეული სხვა მსოფლიო თასებთან შედარებით.
რაც შეხება საქართველოს ეროვნული ნაკრების მთავარ მწვრთნელს, რიჩარდმა დატოვა პოზიცია, მიუხედავად იმისა რომ რიჩარდი ძალაინ მშრომელი ადამიანია, ბოლო ერთი წლის განმავლობაში ნაკრებმა და “შავმა ლომმა” ვერ აჩვენა ის თამაში რასაც გულშემატკივარი ელოდა. აქ არ არის საუბარი მხოლოდ წაგება-მოგებაზე, აქ საუბარია თამაშის ხარისხზე და საჭიროდ ჩავთვალეთ ჩვენი თანამშრომლობა დასრულებულიყო. ამ დროისთის რამდენიმე კანდიდატთან გვავქს კომუნიკაცია, სახელების დასახელებისგან თავს შევიკავებ, ძალიან მნიშვნელოვანია ეს გადაწყვეტილება მალე მივიღოთ, რადგან მსოფლიო თასი გვაიხლოვდება, 2027 წელს, მაგრამ ასევე ეს კომპონენტი აძლიერებს იმ დამოკიდებულებას, რომ ეს გადაწყვეტილება უნდა იყოს ძალიან კარგად გაანლიზებული, რადგან ეს გადაწყვეტილება იქნება საბოლოო მსოფლიო თასისთვის. მწვრთნელი, რომელიც ახლა მოვა ის გაიყვანს მსოფლიო თასზე გუნდს.”
