მას შემდეგ რაც მსოფლიო თასის მონაწილეთა რაოდენობა 20-იდან 24-მდე გაიზარდა, ევროპამ დამატებით ორი ადგილი მიიღო და შესაბამისად, ავსტრალიაში 2025 წლის რაგბი ევროპის ოთხივე თასის ნახევარფინალისტი გაემგზავრება, მეხუთე გუნდი კი რეპეშაჟში ჩაერთვება.
მაგრამ ბრძოლა ამით არ მთავრდება. რიჩარდ ქოქრილის შეგირდები რაგბი ევროპის მე-17 ტიტულის მოსაპოვებლად იბრძვიან, რაც ავსტრალიაში უკეთეს ჯგუფში მოხვედრის გარანტიასაც იძლევა.
შეგახსენებთ, საქართველომ ერთი კვირის წინ დაიწყო და შვეიცარიას რეკორდული სხვაობით, 110:0 სძლია, ნიდერლანდები კი ესპანეთში 24:53 დამარცხდა.
რიჩარდ ქოქრილმა მომავალი მატჩისთვის შემადგენლობა დაასახელა. ბორჯღალოსნების სასტარტო შემადგენლობაში 8 ცვლილებაა, 3 ხაზში და 5 შერკინებაში.
სასტარტო შემადგენლობაში ბრუნდება და ლუკა მატკავას შეუწყვილდება ვასილ ლობჟანიძე. ფრთაზე ვეტერანი სანდრო თოდუა ბრუნდება, რომელსაც რაგბი ევროპის ჩემპიონატი ყველაზე მეტჯერ, 14-ჯერ აქვს მოგებული და ნიდერლანდებთან 118-ე კეპს მოიხვეჭს. ფულბეკის პოზიციაზე ბრუნდება დავით ნინიაშვილი. სასტარტოში ადგილი შეინარჩუნეს ცენტრებმა - თორნიკე კახოიძემ და გიორგი კვესელაძემ, ასევე ლელოების-მანქანამ, ფრთა აკაკი ტაბუცაძემ, რომელსაც 43 ლელო აქვს გატანილი და 3 ლელო აშორებს მსოფლიოს საუკეთესო მელელოვეთა ათეულამდე.
ნიდერლანდებთან თამაშს იწყებენ ბურჯები გიორგი მამაიაშვილი და ირაკლი აფციაური და კვაჭი ვანო კარკაძე. უცვლელი დარჩა მეორე ხაზის წყვილი - მიხეილ ბაბუნაშვილი და ლადო ჩაჩანიძე, მესამე ხაზში კი ორი ახალი სახეა: მოედანზე პირველივე წუთებიდან გავლენ ბექა გორგაძე და თორნიკე ჯალაღონია, გუნდის კაპიტანი ბექა საღინაძე კი ამჯერადაც დამწყებებს შორისაა.
შვეიცარიასთან სასტარტო შემადგენლობაში იყვნენ და ამჯერად მარქაფაში არიან კვაჭი ირაკლი ქვათაძე, ბურჯი ლუკა ჯაფარიძე, 9 ნომერი გელა აფრასიძე და ფულბეკი დაჩი პაპუნაშვილი, რომლის სანაკრებო დებიუტი ერთი კვირის წინ შედგა. შვეიცარიასთან დებიუტი ქონდა და ამჯერადაც მარქაფაშია ცენტრი გიორგი ხაინდრავა. 23-კაციან განაცხადში ადგილი შეინარჩუნეს ბურჯმა ლუკა გოგინავამ და მეორეხაზელმა გიორგი ჯავახიამ, ხოლო მესამე ხაზში ამჯერად გიორგი ცუცქირიძეს ვიხილავთ.
2025 წლის რაგბი ევროპის ჩემპიონატი
(2027 წლის მსოფლიო თასის შესარჩევი ტურნირი)
ა ჯგუფი. II რაუნდი. 8 თებერვალი (შაბათი)
თბილისი, ავჭალა, 15:00 საათი
საქართველო - ნიდერლანდები
საქართველო
ხაზი: 15. დავით ნინიაშვილი (ლიონი), 14. აკაკი ტაბუცაძე (შავი ლომი), 13. გიორგი კვესელაძე (გრენობლი), 12. თორნიკე კახოიძე (შავი ლომი), 11. სანდრო თოდუა (შავი ლომი), 10. ლუკა მატკავა (შავი ლომი), 9. ვასილ ლობჟანიძე (ოიონა);
შერკინება: 1. გიორგი მამაიაშვილი (გრენობლი), 2. ვანო კარკაძე (მონპელიე), 3. ირაკლი აფციაური (ლიონი), 4. მიხეილ ბაბუნაშვილი (შავი ლომი), 5. ლადო ჩაჩანიძე (შავი ლომი), 6. ბექა გორგაძე (პო), 7. ბექა საღინაძე (ლიონი, კაპ.), 8. თორნიკე ჯალაღონია (პროვანსი).
მარქაფა: 16. ირაკლი ქვათაძე (შავი ლომი), 17. ლუკა გოგინავა (მონ დე მარსანი), 18. ლუკა ჯაფარიძე (მონპელიე), 19. გიორგი ჯავახია (გრენობლი), 20. გიორგი ცუცქირიძე (შავი ლომი); 21. გელა აფრასიძე (პერპინიანი), 22. გიორგი ხაინდრავა (ბორდო), 23. დაჩი პაპუნაშვილი (ორიაკი).
(2027 წლის მსოფლიო თასის შესარჩევი ტურნირი)
ა ჯგუფი. II რაუნდი. 8 თებერვალი (შაბათი)
თბილისი, ავჭალა, 15:00 საათი
საქართველო - ნიდერლანდები
საქართველო
ხაზი: 15. დავით ნინიაშვილი (ლიონი), 14. აკაკი ტაბუცაძე (შავი ლომი), 13. გიორგი კვესელაძე (გრენობლი), 12. თორნიკე კახოიძე (შავი ლომი), 11. სანდრო თოდუა (შავი ლომი), 10. ლუკა მატკავა (შავი ლომი), 9. ვასილ ლობჟანიძე (ოიონა);
შერკინება: 1. გიორგი მამაიაშვილი (გრენობლი), 2. ვანო კარკაძე (მონპელიე), 3. ირაკლი აფციაური (ლიონი), 4. მიხეილ ბაბუნაშვილი (შავი ლომი), 5. ლადო ჩაჩანიძე (შავი ლომი), 6. ბექა გორგაძე (პო), 7. ბექა საღინაძე (ლიონი, კაპ.), 8. თორნიკე ჯალაღონია (პროვანსი).
მარქაფა: 16. ირაკლი ქვათაძე (შავი ლომი), 17. ლუკა გოგინავა (მონ დე მარსანი), 18. ლუკა ჯაფარიძე (მონპელიე), 19. გიორგი ჯავახია (გრენობლი), 20. გიორგი ცუცქირიძე (შავი ლომი); 21. გელა აფრასიძე (პერპინიანი), 22. გიორგი ხაინდრავა (ბორდო), 23. დაჩი პაპუნაშვილი (ორიაკი).
ფოტო: ირაკლი ტყემალაძე
