დღეს "ბორჯღალოსნებმა” 2025 წლის ზაფხულის დასკვნითი ტესტ-მატჩი მსოფლიოს მოქმედ ჩემპიონთან, სმახრეთ აფრიკასთან სტუმრად გამართეს.
საქართველოს მორაგბეთა ნაკრებმა ჩემპიონებს ლელო მე-3 წუთზე დაუდეს, ვანო კარკაძის ლელო ლუკა მატკავამ გარდასახა და ბორჯღალოსნები 7-0 დაწინაურდნენ. მე-8 წუთზე ბოან ვენტერმა ლელო გაიტანა, მასპინძლებმა მალევე დაწინაურება მოახერხეს, 28-ე წუთზე ლუკა მატკავამ ჯარიმა ზუსტად შეასრულა და ანგარიში 15-10 გახდა. პირველი ტაიმი სამხრეთ აფრიკელებმა 22:10 მოიგეს.
მეორე ნახევარში მასპინძლებმა დიდი უპირატესობა მოიპოვეს და საბოლოოდ, 55-10 გაიმარჯვეს.
აღნიშნულ მატჩში ალექსანდრე თოდუამ 122-ე კეპი მოიხვეჭა და ეროვნულ გუნდში ჩატარებული თამაშების რაოდენობით, რეკორდსმენს, დავით კაჭარავას გაუტოლდა.
2024 წლის 11 ნოემბრიდან სამხრეთ აფრიკა მსოფლიო რეიტინგის უცვლელი ლიდერია. 2025 წლის ზაფხულში სამხრეთ აფრიკამ სამი თამაში ჩაატარა და სამივეში გაიმარჯვა, ჯერ ბარბაროსებს სძლია 54:7, შემდეგ კი იტალიას ორჯერ მოუგო - 42:24 და 45:0.
საქართველოს მორაგბეთა ნაკრებმა მსოფლიოს ოთხზის ჩემპიონთან ისტორიაში მესამედ ითამაშეს. პირველად 2003 წლის, საქართველოსთვის პირველ მსოფლიო თასზე, „ბოკემ“ სიდნეიში 46:19 გაიმარჯვა. აღნიშნულ მატჩში "ბორჯღალსონებმა" მსოფლიო თასზე პირველი ლელო დადეს, რომელიც დავით დადუნაშვილის ანგარიშზეა. ერთი გარდასახვა და სამი ჯარიმა გაიტანა პალიკო ჯიმშელაძემ, კიდევ ერთი ჯარიმა კი მეკო კვირიკაშვილმა. მეორე მატჩი კი 2021 წლის ივლისში გაიმართა და მასპინძელმა სამხრეთ აფრიკამ პრეტორიაში 40:9 გაიმარჯვა.
