ბორჯღალოსნები მორიგი ტესტ-მატჩისთვის მზადება აგრძელებენ. 15 ნოემბერს საქართველოს მორაგბეთა ნაკრები ბათუმში კანადას ეთამაშება.
ქართველთა მთავარი მწვრთნელის, რიჩარდ ქოქრილის გადაწყვეტილებით, შემოდგომის ტესტების შეკრებას 4 მორაგბე, გიორგი მამაიაშვილი, თორნიკე ჯალაღონია, გიორგი ჯავახია და ნიკა სუთიძე შეუერთდნენ.
შეგახსენებთ, ნოემბრის პირველ ტესტ-მატჩში ბორჯღალოსნებმა აშშ-ის ნაკრებს ბათუმში უმასპინძლეს და 43-30 მოიგეს. კანადასთან მატჩი 15 ნოემბერს 16:00 საათზე დაიწყება, ამავე დროს აიღებს სტარტს საქართველოსა და იაპონიის მატჩი 22 ნოემბერს. შეხვედრა თბილისში მიხეილ მესხის სახელობის სტადიონზე გაიმართება.
