ცნობილი ჟურნალისტი, ვალიდ აშერშური, ვინც განთქმულია სკანდალური გამონათქვამებით ფეხბურთელების მისამართით, ამჯერად კილიან მბაპეს შეწვდა. შეგახსენებთ, პრიმერა დივიზიონის განვლილ ტურში ვარსკვლავურმა ფორვარდმა შეასრულა პანენკა, რომელიც მოედანზე მყოფ ბრაჰიმ დიასს მიუძღვნა.
"დიასისთვის მიძღვნილი მბაპეს პანენკა? ეს იგივეა, რომ მინდოდეს ფერარის ყიდვა, თუმცა არ მქონდეს საამისოდ საკმარისი თანხა, მეორე დღეს კი აღნიშნული ავტომობილი შეიძინოს ჩემმა მეგობარმა და მითხრას: შეხედე, ფერარის ყიდვა ასე უნდა! ან შეყვარებული დამშორდეს და მეორე დღეს მან განმიცხადოს: ვხვდები მას და შენგან განსხვავებით, ამ გოგოს გულის მოგება შემიძლია.
ბრაჰიმი დეპრესიაშია, კილიანის საქციელმა კი მისი მწუხარება კიდევ უფრო გაამძაფრა. ის ყველგან ცდილობს იყოს მთავარი გმირი, იქაც, სადაც ამის საჭიროება არ არის. ბინძური საქციელი, რომელშიც თანადგომა არ ჩანს. ეს არ იყო ფრანგი ფორვარდის ფილმი, მას შეეშალა."
