ბრაზილიის ფეხბურთის ფედერაცია კარლო ანჩელოტისთან მოლაპარაკებებს 2023-2024 წლებშიც აწარმოებდა, თუმცა მაშინ იტალიელმა ამ შემოთავაზებაზე უარი განაცხადა და რეალ მადრიდში დარჩენა გადაწყიტა. მას შემდეგ ბევრი რამე შეიცვალა და ახლა ფაქტია, იტალიელთან მოლაპარაკებები ისევ აღდგა.
ყველა გავლენიანი ბრაზილიური გამოცემა იმას წერს, რომ "სელესაო" ყველაფერს გააკეთებს კარლო ანჩელოტის დასაყოლიელებლად, თუმცა როგორც ერთი, ისე მეორე მხარე, საბოლოო გადაწყვეტილებას სეზონის ბოლომდე არ მიიღებს. იტალიელი სპეციალისტის ფიქრები ახლა მხოლოდ რეალ მადრიდს უკავშირდება, ამას კი ბრაზილიაში პატივს სცემენ და ისინი ზაფხულამდე მოცდას აპირებენ.
დორივალ ჟუნიორის ბრაზილიიდან გაშვება უბრალოდ დროის საკითხია, ხოლო ვინ ჩაიბარებს "სელესაოს", ამას უახლოეს თვეებში გავიგებთ.
