კვიპროსის ქალაქ ლიმასოლში მიმდინარე ევროპის ჩემპიონატზე სამბოში რაულ თუთარულმა ვერცხლის მედალი დაისაკუთრა. Brave FC-ის 93-ე ღონისძიებაზე მოპოვებული გამარჯვებიდან მე-5 დღეს, ქართველმა საბრძოლო სამბოში იასპარეზა და ევროპის ვიცე-ჩემპიონობა იზეიმა.
თუთარაული ფინალში სამბოს საერთაშორისო ფედერაციის სახელით, ნეიტრალური დროშით მოასპარეზე, რუსტამ ტალდიევს დაუპირისპირდა. ფინალამდე ქართველმა 3 მეტოქე დაამარცხა, ჯერ ხორვატ პატრიკ სუმპორს 8:0 სძლია, შემდეგ ჩეხ სტეფან ზუპარიჩს 7:5 მოუგო, ნახევარფინალში კი სომხეთის წარმომადგენელი, მერ მერჯაიანი 11:0 დამარცხა.
შეგახსენებთ, რაულ თუთარაული MMA-ის მებრძოლია, სამბოში ასპარეზობა რამდენიმე თვის წინ დაიწყო.
ლიმასოლში მიმდინარე ევროპის ჩემპიონატზე ქართველმა სამბისტებმა შეჯიბრის პირველ დღეს 8 მედალი მოიპოვეს.
ფოტო: სამბოს საერთაშორისო ფედერაცია
