მილანის ლეგენდარული თავდამსხმელი, ანდრეი შევჩენკო სერია ა-ს 2000-2009 წლების საუკეთესო ფეხბურთელად დასახელდა. აღნიშნული სია FourFourTwo-მ შეადგინა.
მეორე ადგილი დაიკავა "როსონერის" კიდევ ერთმა ეპოქალურმა შემტევმა, რიკარდო კაკამ, სამეული კი ჯანლუიჯი ბუფონმა დახურა.
რეიტინგში ძირითადად ჭარბობენ "შავ-წითლების", იუვენტუსის, ინტერის, რომასა და ლაციოს ფეხბურთელები. ცნობისთვის, ათეულს გარეთ დარჩნენ მარკოს კაფუ, კლარენს ზეედორფი და ზლატან იბრაჰიმოვიჩი.
რაც შეეხება უშუალოდ გამარჯვებულს, ლეგენდარული უკრაინელი ფორვარდი სან სიროზე თამაშობდა 1999-2006 და 2008-2009 წლებში, ამ დროის მანძილზე მან 322 მატჩში 175 ბურთი გაიტანა. 10-ეული გამოიყურება ასე:
1. ანდრეი შევჩენკო
2. რიკარდო კაკა
3. ჯანლუიჯი ბუფონი
4. ანდრეა პირლო
5. ფაბიო კანავარო
6. ალესანდრო დელ პიერო
7. პაოლო მალდინი
8. ალესანდრო ნესტა
9. ფრანჩესკო ტოტი
10. პაველ ნედვედი
