მარკუს რაშფორდმა ბარსელონაში გადასვლის შემდეგ, პირველი გოლები გაიტანა. მისი დუბლის დამსახურებით, დამარცხებული იქნა ნიუკასლი, საფეხბურთო სამყარომ კი გაიხსენა, თუ რამხელა პოტენციალი აქვს ოპტიმალურ ფორმაში მყოფ ინგლისელ ფორვარდს. კატალონიელთა შემტევის წარმატებას ბრუნო ფერნანდეშიც გამოეხმაურა.
აღსანიშნავია, რომ პორტუგალიელი გამთამაშებლის კომენტარმა მანჩესტერ იუნაიტედის გულშემატკივრებში ორაზროვანი რეაქცია გამოიწვია. "წითელი ეშმაკების" კაპიტანმა "ბლაუგრანას" მე-14 ნომერს დაუწერა: "თუ არ რისკავ, ესე იგი რაღაცას არასწორად აკეთებ". ქომაგები ვერ ჩაწვდნენ 31 წლის ფლეიმეიქერის სიტყვების შინაარს.
გულშემატკივრების ნაწილი თვლის, რომ ოლდ ტრაფორდის ბინადრების რვიანმა მოუწონა 27 წლის თავდამსხმელის გუნდს გამოცვლის გადაწყვეტილება. არსებობს მოსაზრება, რომ რაშფორდი დიდხანს ყოყმანობდა იმასთან დაკავშირებით, დაეტოვა თუ არა რუბენ ამორიმის გუნდი, ბოლოს კი გარისკა და კამპ ნოუს ბინადრებს შეუერთდა.
