ჩემპიონთა ლიგის ფაზის მეხუთე ტურში ლივერპული საკუთარ კედლებში პსვ ეინდჰოვენთან ანგარიშით 1:4 განადგურდა. მასპინძლების კარს იცავდა გიორგი მამარდაშვილი და შეხვედრის დასრულების შემდეგ, This Is Anfield-მა მისი თამაში შეაფასა. გამოცემა წერს, მერსისაიდელთა კარში მიღებული 4 ბურთიდან ქართველი გოლკიპერის ბრალი არცერთი არ არის.
"პერიშიჩის პენალტის შემთხვევაში მამარდაშვილი გადახტა საპირისპირო კუთხეში და მან ვერც ტილის დარტყმა მოიგერია. ამის მიუხედავად, გიორგის ბრალი არცერთი ბურთი არ ყოფილა. აღსანიშნავია ისიც, ბურთით თამაშში ის ხანდახან იყო არაზუსტი და პსვ-ს ნახევარზე ძლიერად ურტყამდა.
ეს არ არის გასაკვირი, იმის გათვალისწინებით, თუ ლივერპულის სახით, როგორი არაორგანიზებული გუნდის კარს იცავს ქართველი გოლკიპერი. მერსისაიდელთა უკანახაზი იყო არადამაჯერებელი, როგორც ეს წინა შეხვედრებში მოხდა."
