"როდესაც გადადიხარ იმავე ქალაქის სხვა გუნდში, უარყოფით რეაქციას უნდა ელოდო. მილანში იციან, ჩალჰანოღლუს სახით რა მნიშვნელოვანი მოთამაშე დაკარგეს. ის ინტერში დამატებითი 500 000 ევროსთვის არ გადასულა. სიმართლე ის არის, რომ "როსონერის" ახალ სელექციონერებს სურდათ გაეფასურებინათ ის შრომა, რომელიც კლუბში ჩვენ ჩავდეთ.
მათ უნდა ებრძოლათ ჰაკანისთვის, მით უმეტეს მას წასვლა არ უნდოდა. საბოლოოდ ყველაფერი ისე მოხდა, როგორც დონარუმასა და კესიეს შემთხვევაში, თურქი უფასოდ წავიდა. ხალხს ჰგონია, რომ მან უღალატა შავ-წითელ ფერებს, მაგრამ რეალურად, მისი შენარჩუნება კლუბის პრიორიტეტი უბრალოდ არ ყოფილა.
დარწმუნებული ვარ, მილანში ძალიან ნანობენ, რომ მათი შემტევი ნახევარმცველი ახლა თანაქალაქელი გუნდის ღირსებას იცავს", - განაცხადა "როსონერის" ყოფილმა დირექტორმა. შეგახსენებთ, "შავ-წითლების" ყოფილი მოთამაშე "ნერაძურიში" გადავიდა 2021 წელს და იმის შემდეგ მან 122 მატჩში 23 გოლი გაიტანა.
