ლივერპულის მარჯვენა მცველმა, ტრენტ ალექსანდერ-არნოლდმა დაასახელა საუკეთესო ფეხბურთელი, რომლის გვერდითაც ოდესმე უთამაშია. მისთვის ასეთი მო სალაჰი არის. შეგახსენებთ, ინგლისელმა განაპირა მცველმა თავის ფავორიტ თანაგუნდელთან ერთად 7 სეზონი გაატარა, ამ დროის მანძილზე მერსისაიდელებმა ჩემპიონთა ლიგა და პრემიერ ლიგა მოიგეს.
"საუკეთესო ფეხბურთელი, რომლის გვერდითაც მითამაშია? - სალაჰი. ის საოცრად სტაბილურია. ლივერპულში გადმოსვლის წუთიდან დღევანდელ დღემდე, მოს ჩავარდნა არ ჰქონია. ეს ყველაფერი უდიდესი შრომისა და ფეხბურთისადმი სიყვარულის შედეგია. ის დიდებული მოთამაშეა", - განაცხადა მერსისაიდელთა განაპირა მცველმა.
აღსანიშნავია ის ფაქტი, რომ ეგვიპტელმა თავდამსხმელმა კარიერაში ყველაზე მეტი, 277 შეხვედრა სწორედ 25 წლის მარჯვენა მცველის გვერდით ჩაატარა. "წითლების" ფორვარდმა და 66-ე ნომერმა ერთობლივი ძალებით 16 ბურთი გაიტანეს. მალე ისინი ერთად მე-8 სეზონს დაიწყებენ.
