2002 წლის 6 აპრილი, ლა ლიგის 33-ე ტურში ბარსელონამ გასვლით მატჩში ბილბაოს ატლეტიკი ანგარიშით 2:0 დაამარცხა. ერთი შეხედვით, არაფერი განსაკუთრებული, მაგრამ აღნიშნულ შეხვედრაში დასაბამი დაედო ტრადიციას, რომელიც გრძელდება დღემდე, უწყვეტად, უკვე 24-ე წელი.
ბასკურ გუნდის წინააღმდეგ მატჩის 63-ე წუთზე მოედანზე შემოვიდა ჩავი ერნანდესი და იმის შემდეგ, კატალონიელებს არ ჰქონიათ ერთი თამაშიც კი, კლუბის აკადემიის აღზრდილი მოთამაშეების გარეშე. არცერთი შეხვედრა და არცერთი წუთი, 2002 წლის 6 აპრილიდან-დღემდე. "ბლაუგრანამ" ასე უკვე 1398 თამაში ჩაატარა.
იმის გათვალისწინებით, რომ კამპ ნოუს ბინადრების ამჟამინდელ შემადგენლობაში რეგულარულად ხვდებიან დანი ოლმო, ლამინ იამალი, ფერმინ ლოპესი, პაუ კუბარსი და აკადემიის სხვა მოთამაშეები, აღნიშნულ ტრადიციას შეწყვეტა კიდევ დიდხანს არ ემუქრება. იყო შემთხვევა, როცა ბარსას მხრიდან 11-ვე მოთამაშე ლა მასიადან იყო.
2012 წლის 5 ნოემბერი, ლევანტესთან მატჩი - დანი ალვეში მე-15 წუთზე იღებს ტრავმას, მის ნაცვლად კი შემოდის მარტინ მონტოია, ვინც უერთდება აკადემიის დანარჩენ 10 მოთამაშეს: პუიოლს, ჩავის, მესის, ინიესტას, ბუსკეტსს, ფაბრეგასს, პიკეს, ალბას, პედროსა და ვალდესს.
