"მატჩების რაოდენობის შემცირება, გუნდებს დიდ ფინანსურ ზიანს მოუტანს. ეს პირდაპირ კავშირშია ფეხბურთელების ანაზღაურებასთან, შესაბამისად, ცოტა ჩატარებული მატჩი და ტურნირი, ხელფასების საგრძნობლად შემცირებას გამოიწვევს. ნაკლები თამაში ნიშნავს ნაკლებ შემოსავალს, რასაც სხვა ბევრ პრობლემასთან მივყავართ. ეს არის ერთგვარი ჩაკეტილი წრე, სადაც ყველაფერი ერთმანეთთან არის დაკავშირებული.
გამოსავალი? გამოსავალი ისაა, რომ ახალი ტურნირების შექმნა აღარ იგეგმება. ფეხბურთელებისთვის მატჩების რიტმი და რაოდენობა უკვე ზედა ზღვარზეა.
ჩემამდე მოვიდა ინფორმაცია, რომ პროფესიონალ ფეხბურთელთა გაერთიანებამ, ევროპული ლიგების მხარდაჭერით, სარჩელი შეიტანა ფიფას წინააღმდეგ. ზუსტად აქ ვხვდებით მორიგ პრობლემას — ევროპულ კლუბებს სურთ ახალ-ახალ ტურნირებზე თამაში, რადგან ეს გაზრდის შემოსავალს და გაუადვილებს მათ ფეხბურთელებისთვის ხელფასების გადახდას. როგორც უკვე ვთქვი, ეს არის ჩაკეტილი წრე, ყველაფერი ერთმანეთთან არის დაკავშირებული, სწორედ ამიტომ, საჭირო იქნება პროფესიონალ ფეხბურთელთა კავშირთან დასხდომა და იმის გარკვევა, თუ რა უნდათ ზუსტად.
თუ მატჩების რაოდენობას შევამცირებთ, ხელფასებიც უნდა შემცირდეს, სხვა გზა არ არის."
