ქართული სარაგბო ფრანჩაიზი "შავი ლომი" ჩელენჯ თასზე ზედიზედ მესამედ ითამაშებს. 2025 - 2026 წლების გათამაშებაში ქართული ფრანჩაიზი ფრანგულ "მონპელიესა" და იტალიურ "ძებრეს" თბილისში უმასპინძლებს, ირლანდიურ "ქონახთსა" და ფრანგულ "მონტობანს" კი სტუმრად ეთამაშება.
"შავი ლომი" პირველ მატჩში ტოპ 14-ის "მონპელიეს" 6 დეკემბერს თბილისში, „მიხეილ მესხზე“ უმასპინძლებს. 13 დეკემბერს კი ირლანდიაში "ქონახთს" შეერკინება.
2026 წლის პირველ მატჩს შავი ლომი სტუმრად საფრანგეთში, "მონტობანთან" 10 იანვარს გავმართავს, ჯგუფურ ეტაპი ბოლო მატჩს კი 17 იანვარს „მიხეილ მესხზე“ იტალიურ "ძებრესთან" ჩაატარებს.
შეგახსენებთ, "შავმა ლომმა" გასულ ორ სეზონში თითო-თითო გამარჯვება მოიპოვა, 2023 წელს "სქარლეთსს" უელსში 23:7 მოუგო, 2024 წელს კი თბილისში ფრანგულ "ვანს" 22:19 სძლია.
