ჩელსიში ტრავმების ეპიდემია გრძელდება. ენცო მარესკამ პრემიერ ლიგის ბოლო ტურის შემდეგ კიდევ ერთი ლიდერი დაკარგა. საუბარია კოულ პალმერზე, რომელმაც საზარდულის ტრავმა მიიღო და საკუთარ გუნდს დაახლოებით 3 კვირა ვერ დაეხმარება.
შეგახსენებთ, ტრავმები აწუხებთ ჩელსის კიდევ 3 ფეხბურთელს, კერძოდ ლივაი კოლვილს, ლიამ დელაპსა და დარიო ესუგოს.
ჩელსიმ ახალი სეზონი საკმაოდ მძიმედ დაიწყო. ენცო მარესკას გუნდს 5 ტურის შემდეგ 8 ქულა აქვს და მე-6 პოზიციაზე იმყოფება. ლონდონელებმა ჩემპიონთა ლიგაზე ასპარეზობაც ცუდად დაიწყეს. ჩელსი პირველ ტურში ბაიერნთან 3-1 დამარცხდა.
