ფლორენციის ფიორენტინას მეკარემ, დავიდ დე ხეამ თავისი კარიერის ყველაზე მძიმე მომენტი დაასახელა. ვეტერანი კარის დარაჯისთვის ასეთი არის 2011/12 სეზონის წაგებული ინგლისის ჩემპიონობა მანჩესტერ იუნაიტედის შემადგენლობაში.
"კარიერის ყველაზე მძიმე მომენტი? მარცხი პრემიერ ლიგის საჩემპიონო რბოლაში ჩემს სადებიუტო სეზონში. ბოლო ტურში ვაჯობეთ სანდერლენდს და დავაგროვეთ იმდენივე ქულა, რამდენიც სიტიმ, მაგრამ ტიტული მაინც მათ დარჩათ. საბედნიეროდ, აღნიშნული წაგების კომპენსირება შემდეგ სეზონში შევძელი", - განაცხადა ესპანელმა გოლკიპერმა.
შეგახსენებთ, რომ პრემიერ ლიგის 2011/2012 წლების სეზონის ბოლო ტურში "წითელმა ეშმაკებმა" თავის მატჩში იმარჯვეს, "ქალაქელები" კი 92-ე წუთამდე აგებდნენ ქუინს პარკთან, მაგრამ შემდეგ, ედინ ჯეკოსა და სერხიო აგუეროს გოლებით მათ ქამბექი მოახდინეს. 1-2 ადგილოსნებმა მოაგროვეს თანაბარი ქულები (89:89), რის შედეგადაც "ლურჯებმა" ტიტული ბურთების უკეთესი შეფარდების ხარჯზე მოიგეს.
