პრემიერ ლიგის 35-ე ტურის ცენტრალური მატჩი ლონდონში გაიმართა, სადაც ერთმანეთს ჩელსი და ლივერპული დაუპირისპირდნენ. მაყურებელმა საკმაოდ დაძაბული და სანახაობრივი ბრძოლა იხილა, სადაც გამარჯვება მასპინძელ გუნდს დარჩა. ენცო მარესკას ბიჭებმა ჩემპიონებს აჯობეს და მნიშვნელოვანი 3 ქულაც მოიპოვეს.
ჩელსიდან თავის გამოჩენა ენცო ფერნანდესმა და კოულ პალმერმა მოახერხეს, ხოლო ერთი ბურთი საკუთარ კარში ჯარელ ქუანსამ გაიტანა. რაც შეეხება ლივერპულიდან გოლის ავტორს, მატჩის მიწურულს ანგარიში ვირჯილ ვან დაიკმა შეამცირა.
ლონდონელებმა ამ გამარჯვების შემდეგ 63 ქულას მოუყარეს თავი, რითაც მე-4 პოზიციაზე მყოფ ნიუკასლს გაუთანაბრდნენ.
ჩელსი 3-1 ლივერპული
გოლები: 1-0 ენცო ფერნანდესი 3', 2-0 ჯარელ ქუანსა (ს.კ.) 56', 2-1 ვირჯილ ვან დაიკი 85', 3-1 კოულ პალმერი 96'.
