დღეს, ეროვნული ლიგის მეორე ტურის ცენტრალური შეხვედრა გაიმართება, სადაც ერთმანეთს მოქმედი ჩემპიონი იბერია და ვიცე-ჩემპიონი გორის დილა დაუპირისპირდებიან.
უამინდობის გამო, ეროვნული ლიგის პირველი ტურის მატჩები გადაიდო და ჯერჯერობით, ამ გუნდების თამაში ახალ სეზონში არ გვინახავს.
მოგეხსენებათ, იბერია და დილა ერთმანეთს გასულ სეზონში ჩემპიონობისთვის ებრძოდნენ, საბოლოოდ ისე მოხდა, რომ ეროვნული ლიგა იბერიამ მოიგო, საქართველოს თასი კი დილამ.
ზამთრის სატრანსფერო ფანჯარაზე იბერიას კარგი სატრანსფერო პოლიტიკა ჰქონდა. გუნდს ყველა პოზიციაზე კარგი შევსება ჰქონდა და მთავარი ტრანსფერი ანდრია ბართიშვილის კოლხეთიდან წამოყვანაა. ბართიშვილი საქართველოს გამორჩეული ტალანტია და წელს ჩემპიონატში "Must Watch" მოთამაშე იქნება.
რაც შეეხება დილას, ტრადიციულად, ამ გუნდმა წელსაც ბევრი ლეგიონერი ჩამოიყვანა. ლეგიონერების სათამაშო დონეს კი უშუალოდ სეზონში ვნახავთ.
საინტერესო იქნება მეორე ტურის შეხვედრა რუსთავსა და ტორპედოს შორის. ტორპედომ პირველი ტურის მატჩი სპაერთან წააგო და შეცდომების გამოსწორებას რუსთავთან შეეცდებიან. რუსთავი კი ხანგრძლივი პაუზის შემდეგ ეროვნულ ლიგაში დაბრუნდა. სენსაციის ავტორი სპაერი დინამო თბილისს უმასპინძლებს, დინამო ბათუმი გაგრას, მეშახტე კი სადებიუტო მატჩს სამგურალის წინააღმდეგ ჩაატარებს.
ეროვნული ლიგის მე-2 ტურის კალენდარი
6 მარტი
20:00 იბერია - დილა
7 მარტი
18:00 სპაერი - დინამო თბილისი
19:00 რუსთავი - ტორპედო
20:00 დინამო ბათუმი - გაგრა
8 მარტი
15:00 მეშახტე - სამგურალი
