პორტუს ყოფილი მწვრთნელი, ჟოზე მოურინიო დიოგუ ჟოტას სიკვდილს გამოეხმაურა. მან ასევე გაიხსენა სამწვრთნელო კარიერის სტარტზე მომხდარი ტრაგიკული მოვლენა, როდესაც "დრაკონების" 26 წლის შუახაზელი, რუი ფილიპე დე ბასტოსი ასევე ავტოკატასტროფაში დაიღუპა.
"დიოგუ ძალიან კარგი ბიჭი იყო. ის არასდროს ეძებდა პოპულარობას, თუმცა თავისი ნიჭის დამსახურებით, საფეხბურთო სამყარომ მაინც გაიცნო ჟოტა. ჩვენ გვყავდა საერთო აგენტი და მის შესახებ ბევრი კარგი მსმენია. მას არაფრისთვის მიუღწევია მარტივად, მუდმივად ბრძოლა უწევდა.
მსგავსი შემთხვევა მახსოვს კარიერის სტარტზე, როდესაც პორტუში რობსონის თანაშემწე ვიყავი. ერთ-ერთი ჩვენი ფეხბურთელი, რუი ფილიპე ავტოკატასტროფას ემსხვერპლა. ჩემპიონები გავხდით და ეს წარმატება სწორედ მის ხსოვნას მივუძღვენით. დარწმუნებული ვარ, ლივერპული თავისი გარდაცვლილი ფორვარდის მიმართებაში იგივეს იზამს."
