ჩემპიონთა ლიგა: ბარსელონამ მარცხით დაიწყო, ატლეტიკომ ბოლო წუთზე მოიგო

კარგ ფორმაში მყოფმა ბარსელონამ მონაკოსთან სტუმრად 2:1 წააგო. კატალონიელთა მდგომარეობა მე-11 წუთზე გარსიას გაძევების შემდეგ დამძიმდა. ზუსტად 5 წუთში მონაკომ ანგარიში გახსნა.

პირველივე ტაიმში იამალიმ ანგარიში გაათანაბრა და ბარსელონას იმედი მისცა, თუმცა ეს საკმარისი არ აღმოჩნდა, რადგან მონაკომ 71-ე წუთზე კიდევ ერთი გოლი გაიტანა და საბოლოო ანგარიში დააფიქსირა.

სამაგიეროდ, კიდევ ერთმა ესპანურმა კლუბმა, ატლეტიკომ დრამატულ ბრძოლაში მოიგო. მე-4 წუთზე სესკოს მიერ გატანილ გოლს გრიზმანმა უპასუხა. 90-ე წუთზე გრიზმანმა საგოლე გადაცემა გააკეთა, ხიმენესს გაატანინა და ატლეტიომ ლაიფციგი 2:1 დაამარცხა.

მონაკო-ბარსელონა 2:1;

ატლეტიკო-ლაიფციგი 2:1;

ატალანტა-არსენალი 0:0;

ბრესტი-შტურმი 2:1;