ტურის ერთ-ერთი ცენტრალური შეხვედრა ლონდონში გაიმართა, სადაც არსენალმა საკუთარ მოედანზე პსჟ მიიღო და მეტოქე დამაჯერებლად, 2:0 დაამარცხა.
შეხვედრის ორივე გოლი მასპინძლებმა პირველივე ტაიმში გაიტანეს — ანგარიში მე-20 წუთზე კაი ჰავერცმა გახსნა, ხოლო 35-ე წუთზე, ბუკაი საკამ საჯარიმო დარტყმით აიღო მეტოქის კარი და საბოლოო ანგარიში დააფიქსირა.
ორი მატჩის შემდეგ, არსენალს 4 ქულა აქვს და მომდევნო ტურში შახტარს უმასპინძლებს, ხოლო პსჟ-ს 3 ქულა დარჩა და პსვ-სთან შეეცდება სატურნირო მდგომარეობის გაუმჯობესებას.
დაძაბული მატჩი გაიმართა გერმანიაში, სადაც ბუნდესლიგის მოქმედმა ჩემპიონმა მილანს უმასპინძლა და მინიმალური ანგარიშით, 1:0 დაამარცხა.
შეხვედრის ერთადერთი გოლი მეორე ტაიმის დებიუტში, 51-ე წუთზე ბონიფასემ გაიტანა და ჩაბი ალონსოს გუნდმა ორი ტურის შემდეგ მაქსიმალური, 6 ქულა მოაგროვა, ხოლო მილანს ჯერ კიდევ 0 ქულა აქვს.
მესამე ტურში ლევერკუზენი ბრესტს ესტუმრება, რომელიც ასევე უდანაკარგოდ ასპარეზობს და ლაივ ცხრილში მეორე პოზიციას იკავებს. როსონერი კი სან სიროზე ბრიუგეს უმასპინძლებს და პირველი ქულების მოპოვებას შეეცდება.
დღევანდელ სათამაშო დღეს მოედანზე 90 წუთი გაატარა ბრატისლავას სლოვანის ქართველმა ცენტრალურმა მცველმა, გურამ კაშიამ — მისი გუნდი მანჩესტერ სიტის დაუპირისპირდა და უშანსოდ, 0:4 დამარცხდა.
ყველა მატჩის შედეგები:
ზალცბურგი 0-4 ბრესტი
შტუტგარტი 1-1 სპარტა
არსენალი 2-0 პსჟ
ბარსელონა 5-0 იანგ ბოიზი
ლევერკუზენი 1-0 მილანი
დორტმუნდი 7-1 სელტიკი
ინტერი 4-0 ცრვენა ზვეზდა
პსვ 1-1 სპორტინგი
სლოვანი 0-4 მანჩესტერ სიტი
