ჩემპიონთა ლიგა: ლივერპულმა სტუმრად მილანი დაამარცხა, მოქმედმა ჩემპიონმა გამარჯვებით დაიწყო

მასპინძლებმა ანგარიში მე-3 წუთზე გახსნეს, თავი პულიშიჩმა გამოიჩინა, რის შემდეგაც ლივერპული უპირატესობას დაეუფლა. 23-ე წუთზე კონატემ ანგარიში გაათანაბრა, ტაიმის მიწურულს კი ვან დეიკმა ლივერპული წინ გაიყვანა.

მეორე ნახევარში სობოსლაიმ გაიტანა და საბოლოო ანგარიში დააფიქსირა - ლივერპულმა მილანი სტუმრად 1:3 დაამარცხა.

ჩემპიონთა ლიგის მოქმედმა გამარჯვებულმა მადრიდის რეალმა ახალი სეზონიც წარმატებით დაიწყო, თუმცა ცოტა გაუჭირდა. რეალის მეტოქე შტუტგარტი იყო.

სამეფო კლუბიდან ანგარიში კილიან მბაპემ გახსნა, გერმანელებმა ანგარიში გაათანაბრეს, თუმცა ანჩელოტიმ ცვლილებები შეიტანა, რამაც გაამართლა. რუდიგერმა რეალი წინ გაიყვანა, ენდრიკმა საბოლოო ანგარიში დააფიქსირა - 3:1.

რეალი - შტუტგარტი 3:1;

მილანი - ლივერპული 1:3;

ბაიერნი - დინამო ზაგრები 9:2;

სპორტინგი - ლილი 2:0;