ჩემპიონთა ლიგა დაბრუნდა! დღეს გაიმართება ოთხი მერვედფინალური დაპირისპირება, მათ შორის ცენტრალური კი ბარსელონას ნიუკასლთან სტუმრობა იქნება. განვიხილოთ, თუ რას უნდა ველოდოთ აღნიშნული შეხვედრისგან.
ნიუკასლი V ბარსელონა | 23:55
ბარსელონამ ჩემპიონთა ლიგის მერვედფინალის საგზური გაიფორმა პირდაპირ, ფაზაში მეხუთე ადგილის დაკავებით. რაც შეეხება ნიუკასლ იუნაიტედს, მე-12 პოზიცია და საპლეიოფო დუელი ყარაბაღთან. ინგლისურმა კლუბმა მოწინააღმდეგეს მოუგო უშანსოდ (6:1, 3:2), რითაც 1/8 ფინალის საგზური დამსახურებულად გაიფორმა.
ეს იქნება ამ გუნდების რიგით მეექვსე მატჩი და იქამდე - ოთხჯერ იმარჯვეს კატალონიელებმა, "კაჭკაჭებმა" კი მხოლოდ ერთხელ. შეგახსენებთ, რომ 1 შეხვედრა აღნიშნულ კლუბებს შორის გაიმართა მიმდინარე სეზონშიც, "ბლაუგრანამ" ლიგის ფაზაში "ჯორდებს" 2:1 მოუგო. ვნახოთ, რა იქნება დღეს.
აქვე დავამატებთ, რომ ამ წყვილში გამარჯვებული ჩემპიონთა ლიგის მეოთხედფინალში ატლეტიკოსა და ტოტენჰემს შორის მოგებულს შეხვდება. საპასუხო დუელი კამპ ნოუს ბინადრებსა და ედი ჰაუს გუნდს შორის 18 მარტს გაიმართება.
ჩემპიონთა ლიგის სამშაბათის მატჩის დღე
| გალათასარაი - ლივერპული | 21:45 |
| ნიუკასლი - ბარსელონა | 23:55 |
| ატალანტა - ბაიერნი | 23:55 |
| ატლეტიკო - ტოტენჰემი | 23:55 |
