დღეს გაირკვევა ჩემპიონთა ლიგის მეოთხედფინალის კიდევ ოთხი გუნდი. შეგახსენებთ, რომ რვა საუკეთესოს შორის უკვე მოხვდნენ რეალ მადრიდი, პარის სენ-ჟერმენი, არსენალი და სპორტინგი.
ბარსელონა V ნიუკასლი | 21:45
ამ გუნდების პირველი მერვედფინალური მატჩი დასრულდა ფრედ, ანგარიშით 1:1. ბარსელონა მარცხდებოდა 96-ე წუთამდე, თუმცა შემდეგ, დანი ოლმოს მოპოვებული 11-მეტრიანი ზუსტად ლამინ იამალმა შეასრულა. კატალონიელები გადარჩნენ წაგებას და საპასუხო შეხვედრისთვის უპირატესობასაც ინარჩუნებენ.
ორივე გუნდი დღევანდელ მატჩს ხვდება დანაკლისით. "ბლაუგრანას" არ ეყოლება ანდრეას კრისტენსენი, ფრენკი დე იონგი, ჟიულ კუნდე და ალეხანდრო ბალდე. საკადრო პრობლემები აქვს ნიუკასლსაც და მთავარი მათ შორის ბრუნო გიმარაეშის არყოფნა იქნება. მის გარდა, ფაბიან შარი, ემილ კრაფტი და ლუის მილი.
საკმაოდ მაღალია იმის ალბათობა, რომ დღეს სანდრო ტონალიმ და ჯო უილოკმაც ვერ ითამაშონ. შეგახსენებთ იმასაც, რომ კამპ ნოუს ბინადრებსა და "კაჭკაჭებს" შორის მოგებული 1/4 ფინალში ატლეტიკოსა და ტოტენჰემს შორის ერთ-ერთს შეხვდება.
ჩემპიონთა ლიგის ოთხშაბათის მატჩის დღე
| ბარსელონა - ნიუკასლი (1:1) | 21:45 |
| ლივერპული - გალათასარაი (0:1) | 23:55 |
| ბაიერნი - ატალანტა (6:1) | 23:55 |
| ტოტენჰემი - ატლეტიკო (2:5) | 23:55 |
