დღეს გაიმართება ჩემპიონთა ლიგის პლეიოფის განმეორებითი პირველი ოთხი მატჩი. უდიდეს ინტრიგას იწვევს ინტერ მილანისა და ბოდო გლიმტის შეხვედრა. განვიხილოთ, თუ რას უნდა ველოდოთ აღნიშნული დუელისგან.
ინტერი V ბოდო გლიმტი | 23:55
ამ გუნდების პირველ დაპირისპირებაში გამარჯვებული გამოვიდა ბოდო გლიმტი, რომელმაც მეტოქე ანგარიშით 3:1 დაამარცხა. დიახ, მანჩესტერ სიტისა და ატლეტიკო მადრიდის შემდეგ, "ყვითლებმა" ინტერნაციონალესაც მოუგეს. ვნახოთ, შეძლებენ თუ არა ისინი საქმის ბოლომდე მიყვანას.
მილანურ გუნდს შემდეგ ეტაპზე გასვლისთვის მინიმუმ სამბურთიანი უპირატესობით გამარჯვება სჭირდება. ნურლანიელების მონდომების გათვალისწინებით, "ნერაძურისთვის" ეს ურთულესი მისია იქნება. იტალიის ჩემპიონატის ამჟამინდელი ლიდერის მდგომარეობას საკადრო პრობლემებიც ამძიმებს.
ჯუზეპე მეაცაზე დღეს ვერ ითამაშებს ლაუტარო მარტინესი, თუმცა იქნება დენზელ დუმფრისი. აქვე დავამატებთ, რომ ამ წყვილში გამარჯვებული 1/8 ფინალში მანჩესტერ სიტისა და სპორტინგ ლისაბონს შორის ერთ-ერთს შეხვდება.
ჩემპიონთა ლიგის სამშაბათის მატჩის დღე
| ატლეტიკო - ბრიუგე | 21:45 |
| ინტერი - ბოდო გლიმტი | 23:55 |
| ნიუკასლი - ყარაბაღი | 23:55 |
| ლევერკუზენი - ოლიმპიაკოსი | 23:55 |
