დღეს გაიმართება ჩემპიონთა ლიგის მეოთხედფინალის დარჩენილი ოთხი მატჩი. ყურადღების ცენტრში იქნება ხვიჩა კვარაცხელია, რომლის პარის სენ-ჟერმენი შინ ჩელსის მიიღებს. განვიხილოთ, თუ რას უნდა ველოდოთ აღნიშნული შეხვედრისგან.
პსჟ V ჩელსი | 23:55
2025 წელს პარის სენ-ჟერმენი გახდა ყველა იმ ტურნირის ტრიუმფატორი, რომელშიც იღებდა მონაწილეობას, გარდა ერთის - მსოფლიო საკლუბო მუნდიალის. პსჟ-მ მიაღწია ფინალამდე, მაგრამ იქ ჩელსისთან წააგო. ვნახოთ, შეძლებს თუ არა ფრანგული კლუბი რევანშის აღებას ლონდონელებზე.
"ლურჯ-წითლებს" ჩემპიონთა ლიგის მერვედფინალში მოხვედრისთვის დასჭირდათ პლეიოფის გავლა, სადაც მათ მონაკოს ბარიერი გადალახეს. ლუის ენრიკეს გუნდისგან განსხვავებით, "არისტოკრატები" აღნიშნული გამოწვევის წინაშე არ ყოფილან: მე-6 პოზიცია ლიგის ფაზაში და პირდაპირი გზა 1/8 ფინალში.
შეგახსენებთ იმასაც, რომ სტემფორდ ბრიჯის ბინადრებსა და პარის სენ-ჟერმენს შორის გამარჯვებული ჩემპიონთა ლიგის მეოთხედფინალში ლივერპულსა და გალათასარაის შორის მოგებულს შეხვდება. აღნიშნული კლუბების პირველი შეხვედრა დასრულდა ინგლისელთათვის წარუმატებლად, 0:1.
ეს იქნება ამ გუნდების რიგით მეათე მატჩი და იქამდე - სამჯერ იმარჯვა როგორც ჩელსიმ, ისე პსჟ-მაც, სამი თამაშიც ფრედ დასრულდა. საპასუხო შეხვედრა ლონდონელებსა და "ლურჯ-წითლებს" შორის 17 მარტს გაიმართება.
ჩემპიონთა ლიგის ოთხშაბათის მატჩის დღე
| ლევერკუზენი - არსენალი | 21:45 |
| რეალი - მანჩესტერ სიტი | 23:55 |
| პსჟ - ჩელსი | 23:55 |
| ბოდო გლიმტი - სპორტინგი | 23:55 |
