ჩემპიონთა ლიგის ფაზის პირველი ტური კიდევ ექვსი მატჩით გაგრძელდა. ლანსთან მიღებული ტრავმის შემდეგ, გაურკვეველი იყო, ითამაშებდა თუ არა ხვიჩა კვარაცხელია ბერგამოს ატალანტასთან, მაგრამ მან არა მხოლოდ ითამაშა, არამედ იტალიურ კლუბს გოლიც შეუგდო.
ეს იყო ქართველი გარემარბის რიგით მესამე გოლი "ლა დეას" კარში, პირველი ორი მან ნაპოლიში თამაშის დროს გაიტანა. რაც შეეხება უშუალოდ შეხვედრის შედეგს, პარის სენ-ჟერმენმა სტადიო ატლეტი აძურის ბინადრები 4:0 გაანადგურა. ამ მოგებით, მოქმედი ჩემპიონი სატურნირო ცხრილს სათავეში ჩაუდგა.
უხვგოლიანი მატჩი გაიმართა ლივერპულსა და მადრიდის ატლეტიკოს შორის - უკვე მეექვსე წუთისთვის მასპინძლები იგებდნენ 2:0-ს, თუმცა სტუმრების თამაშში დაბრუნება დუბლით მარკოს ლორენტემ შეძლო. მერსისაიდელებმა მაინც მოიგეს, ვირჯილ ვან დაიკის 92-ე წუთზე შეგდებული ბურთით.
ჩემპიონთა ლიგის ოთხშაბათის ყველა მატჩი
ბაიერნი 3:1 ჩელსი
ლივერპული 3:2 ატლეტიკო
პსჟ 4:0 ატალანტა
აიაქსი 0:2 ინტერი
სლავია 2:2 ბოდო/გლიმტი
ოლიმპიაკოსი 0:0 პაფოსი
