სლოვან ბრატისლავა 1:4 დინამო ზაგრები
ხორვატებმა გასვლაზე მარტივად იმარჯვეს. ნენად ბიელიცას გუნდმა მეტოქე ყველა კომპონენტში დაჯაბნა და დამსახურებული 3 ქულაც მოიპოვა. სტუმარი გუნდიდან თავი დარიო სპიკიჩმა, პეტარ სუჩიჩმა და სანდრო კულენოვიჩმა გამოიჩინეს. ამ უკანასკნელმა სლოვანს დუბლი შეუსრულა.
მასპინძელი გუნდის რიგებში ითამაშა საქართველოს ეროვნული ნაკრების კაპიტანმა გურამ კაშიამ, რომელმაც მოედანზე 79 წუთი გაატარა.
დინამო ზაგრებმა ამ გამარჯვების შემდეგ 7 ქულა მოაგროვა და მე-10 პოზიციაზე გადაინაცვლა. რაც შეეხება ვლადიმერ ვაისის გუნდს, სლოვანი 0 ქულით, ბოლო პოზიციაზე იმყოფება.
პსვ 4:0 ჟირონა
მეორე მატჩი ნიდერლანდებში, ეინდჰოვენში გაიმართა, სადაც ადგილობრივი პსვ, ესპანურ ჟირონას დაუპირისპირდა. მაყურებელმა საკმაოდ დაძაბული და სანახაობრივი მატჩი იხილა, სადაც გამარჯვება მასპინძელ გუნდს დარჩა.
პსვ-ს მხრიდან თავი რაიან ფლამინგომ, მალიკ ტილმანმა და იოჰან ბაკაიოკომ გამოიჩინეს, ერთი გოლი კი საკუთარ კარში ლადისლავ კრეიჩმა გაიტანა. პიტერ ბოშის გუნდმა ამ გამარჯვების შემდეგ 5 ქულა მოაგროვა და დროებით მე-19 პოზიციაზე დაწინაურდა. რაც შეეხება ჟირონას, მიჩელის გუნდი 3 ქულით, 24-ე პოზიციაზე დარჩა.
