26 მარტს, საქართველოს ნაკრები ამხანაგურ მატჩს მიხეილ მესხის სახელობის სტადიონზე, ისრაელის ნაკრების წინააღმდეგ ჩაატარებს.
მატჩის წინ კომენტარი საქართველოს ნაკრების მთავარმა მწვრთნელმა ვილი სანიოლმა გააკეთა.
"ნაკრებში ძალიან კარგი და მეგობრული ატმოსფეროა. ერთა ლიგა სექტემბერში იწყება, იქამდე დიდი დროა, მაგრამ არ ნიშნავს, რომ ეს მოდუნების საშუალებას იძლევა.
ჩემპიონთა ლიგის ან მსოფლიო ჩემპიონატის ფინალს რომ ვთამაშობდით, გავრისკავდით, მაგრამ ამ შემთხვევაში, სამედიცინო შტაბთან კონსულტაციის შემდეგ გაირკვევა, ითამაშებს თუ არა ჩაკვეტაძე.
არ მახსოვს როდის ვთქვი, რომ ნაკრების კაპიტანი კიტე იქნებოდა. გადაწყვეტილება მიღებული ფეხბურთელებთან კონსულტაციის შედეგად იქნა. ხვიჩამ უნდა იპოვნოს გზა, გამოავლინოს ხასიათი, თუ როგორი კაპიტანი იქნება. მჯერა, ის იქნება კაპიტანი, როგორიც ყველას გვსურს.
ამხანაგურ მატჩში წარმატება თამაშის ხარისხა და დისციპლინაში გამოიხატება. იმედი მაქვს, ყველასთვის სასიკეთო შედეგს დავაფიქსირებთ.
საქართველოს მსოფლიოში ერთ-ერთი გამორჩეული გულშემატკივრები ჰყავს. პირველ რიგში, მათ თანადგომისკენ მოვუწოდებ, განურჩევლად იმისა, იქნება თუ არა რთული პერიოდი", - განაცხადა სანიოლმა.
