ეროვნული ლიგის მე-9 ტურში დინამო თბილისი სტუმრად წყალტუბოს სამგურალს დაუპირისპირდა და 2:1 დაამარცხა.
მატჩის შემდეგ კომენტარი დინამოელთა ახალმა მთავარმა მწვრთნელმა თემურ ქეცბაიამ გააკეთა, რომლისთვისაც ეს სადებიუტო მატჩში სადებიუტო გამარჯვება იყო.
"ვულოცავ ჩემს ფეხბურთელებს დამსახურებულ გამარჯვებას. სანამ 10 კაცით დავრჩებოდით, ძალიან კარგად ვითამაშეთ და ორი გოლი გავიტანეთ. ჩვენი მიზანი 3 ქულის მოპოვება იყო და ამ მიზანს მივაღწიეთ. იმედი მაქვს, მომავალში უკეთესი ფეხბურთის თამაშს შევძლებთ.
არ იყო ადვილი, რადგან კარგი მეტოქე გვყავდა, 10 ფეხბურთელით რომ დავრჩით, ცოტა გაგვიჭირდა და სასიხარულოა, რომ საბოლოოდ, მაინც მოვიგეთ.
დიდი მადლობა გულშემატკივრებს, რომელიც სტადიონზე მოვიდნენ. დაგვეხმარნენ ჩვენც და მოწინააღმდეგე გუნდსაც, რომ კარგი თამაში ყოფილიყო. ჩვენს გუნდში ბევრი ახალგაზრდა და პერსპექტიული ფეხბურთელია, რომელთაც თამაშების მოგება სჭირდებათ, რადგან ფეხბურთელი მაშინ იზრდება, როცა თამაშებს იგებს", - განაცხადა ქეცბაიამ.
