მანჩესტერ სიტი ცნობილია თავისი უსაზღვრო ფინანსური შესაძლებლობებით სატრანსფერო ბაზარზე, თუმცა პრემიერ ლიგის ყველაზე მხარჯველ კლუბებს შორის ინგლისის 10-გზის ჩემპიონი ბოლო 5 წელში მხოლოდ მე-7 არის. აღნიშნული საკითხის შესახებ პეპ გუარდიოლამაც ისაუბრა.
"ხალხი თვლის, რომ მან სიტი ხარჯავს ყველაზე მეტს, თუმცა ეს სიმართლეს არ შეესაბამება. უკანასკნელი ხუთი წლის ხარჯების გათვალისწინებით, ინგლისში ჩვენ ვართ მე-7 პოზიციაზე, მაგრამ მე მინდა პირველზე ვიყოთ. არ ვეთანხმები იმასაც, რომ ტიტულებს მხოლოდ ფინანსების ხარჯზე ვიგებთ.
ეს რომ იყოს სიმართლე, მაშინ მანჩესტერულ გუნდზე უფრო მხარჯველი ექვსი კლუბიც უნდა ხდებოდეს ჩემპიონთა ლიგისა და პრემიერ ლიგის ტრიუმფატორი, მაგრამ როგორც ხედავთ, ასე არ არის. მსგავსი საუბრები ჩემს გუნდზე, გულს მტკენს.
"
ესპანელი მწვრთნელი არ შემცდარა - უკანასკნელ ხუთ წელიწადში "ქალაქელებზე" მეტი დახარჯეს მანჩესტერ იუნაიტედმა, არსენალმა, ჩელსიმ, ტოტენჰემმა, ნიუკასლმა და ლივერპულმა. რაც შეეხება გუარდიოლას გუნდის დახარჯულ თანხას ბოლო 5 წელში ციფრებში: 460 მილიონი ევრო.
